Баранавічы-Палескія — чыгуначная станцыя, размешчаная на вуліцы Фралянкова. Станцыя з'яўляецца канчатковай для электрацягнікоў з Брэста і Мінска, дызель-цягнікоў з Гродна, Ліды, Лунінца, Слуцка і міжрэгіянальных цягнікоў.

Баранавічы-Палескія — другі вакзал па часе пабудовы (першы — Баранавічы-Цэнтральныя), але першы па колькасці пасажыраў, якія абслугоўваюцца, і пасажырскіх цягнікоў, а таксама найбуйнейшы вакзал горада, які знаходзіцца ў баку ад асноўнай магістралі Масква — Брэст.

У 1884 годзе быў збудаваны драўляны будынак вакзала, а ад станцыі Баранавічы-Палескія да станцыі Баранавічы-Цэнтральныя была пабудавана жалезная ветка працягласцю 3 кіламетры.

З 1880 па 1890 год ў раёне станцыі Баранавічы-Палескія былі пабудаваны амбары, млын і сухарны завод Віленскага інтэнданцтва, харчовы пункт.

У 1899 годзе замест ранейшага драўлянага быў пабудаваны цагляны будынак вакзала Палескіх чыгунак плошчай 210 квадратных метраў, абсталяваны паравым ацяпленнем.

Падчас Другой сусветнай вайны вакзал станцыі Баранавічы-Палескія быў разбураны. Пасля вызвалення горада ў 1944 годзе пачаліся аднаўленчыя працы. У знак прызнання заслуг чыгункі ва ўтварэнні горада на гербе Баранавічаў адлюстраваны паравоз, а на прывакзальнай плошчы вакзала Баранавічы-Палескія ўстаноўлены паравоз-помнік.

Дата публікацыі: 26.02.2023.

---

Для зручнай навігацыі па славутасцях выкарыстайце БЯСПЛАТНУЮ мабільную праграму