Галерэя імя Гаўрылы Вашчанкі


Other, krokapp.byhttps://krokapp.by/media/sound/56072e19-3578-4c40-9fb1-887c70cb6528.mp3

Сярод мастацкіх галерэй краіны сваё асаблівае месца займае мастацкая галерэя імя Гаўрылы Вашчанкі. Працы мастака складаюць залаты фонд беларускага нацыянальнага мастацтва сярэдзіны XX – пачатку XXI стагоддзя.

Гаўрыла Вашчанка нарадзіўся на Палессі. І гэтыя мясціны натхнілі яго на вялікую колькасць прац, прысвечаных прыродзе Беларусі. Вашчанка атрымаў прызнанне з 1957 года. З цягам часу ён атрымаў ганаровыя званні заслужанага дзеяча мастацтваў і народнага мастака Беларусі, а таксама стаў лаўрэатам Дзяржаўнай прэміі. Працы Гаўрылы Вашчанкі добра вядомыя і за межамі Беларусі. Памёр мастак у 2014 годзе і быў пахаваны ў Мінску.

Мастацкую галерэю адкрылі яшчэ пры жыцці мастака, у 2002 годзе. Першымі яе экспанатамі сталі 50 прац Вашчанкі, якія ён падараваў Гомелю. Далей выставачныя залы папоўнілі карціны, якія перадала галерэі жонка мастака Матыльда.

Сёння мастацкая галерэя падзелена на два корпусы: уласна галерэю і выставачную залу з мастацкім салонам. Колькасць экспанатаў галерэі складае каля 400 адзінак, і зараз, акрамя твораў Вашчанкі, тут знаходзяцца працы іншых беларускіх мастакоў. Галерэя стала месцам для творчага развіцця дзяцей. Тут знаходзіцца дзіцячая студыя выяўленчага мастацтва і дзіцячая студыя фігурна-скульптурнай лепкі.

Мастацкая галерэя таксама супрацоўнічае з пасольствамі і інстытутамі розных краін Еўропы і Азіі, што дазваляе арганізатарам выстаў дэманстраваць карціны і вырабы замежных мастакоў.

Дата публікацыі: 12.11.2021.


Для зручнай навігацыі па славутасцях выкарыстайце БЯСПЛАТНУЮ мабільную праграму

Спампаваць Спампаваць