Касцёл Святой Тройцы


Other, krokapp.byhttps://krokapp.by/media/

Касцёл Святой Тройцы – помнік архітэктуры позняга барока. Пабудаваны ў 1764–1782 гадах на месцы драўлянага, закладзенага ў 1628 годзе Іосіфам Корсакам, згарэлага падчас Трынаццацігадовай вайны (1654–1667), калі Глыбокае падверглася нападу рускіх войскаў.

Касцёл Святой Тройцы – помнік архітэктуры позняга барока. Пабудаваны ў 1764–1782 гадах на месцы драўлянага, закладзенага ў 1628 годзе Іосіфам Корсакам, згарэлага падчас Трынаццацігадовай вайны (1654–1667), калі Глыбокае падверглася нападу рускіх войскаў. У 1764 годзе струхлелы храм разабралі і на яго месцы выбудавалі каменны касцёл у стылі позняга барока.

Першапачаткова касцёл быў аднанефнай двухвежавай базілікай з выцягнутай паўкруглай апсідай. Пры перабудове ў 1902–1908 гадах да храма прыбудавалі трансепт, бакавыя нефы і сакрыстыю, што надало будынку кампазіцыю крыжовай базілікі. Двух'ярусныя вежы падраслі пры гэтым на два ярусы і сталі чатырох'яруснымі. Дэкаратыўны строй іх быў вытрыманы ў «віленскай» стылістыцы. Галоўны фасад помніка насычаны багатым архітэктурным дэкорам: вытанчаныя па малюнку пілястры, ламаная лінія карніза, фігурныя аркі праёмаў, высокі франтон з валютамі і скульптурай «Распяцце» ў аркавым праёме. Інтэр'ер храма ўпрыгожаны трыма рознымі драўлянымі алтарамі ў стылі барока. Цэнтральны алтар у ніжнім ярусе - са скульптурнымі малюнкамі Святых апосталаў Пятра і Паўла. У цэнтры - абраз «Распяцце». На другім ярусе – абраз пачатку XVIII стагоддзя «Маці Божая Адзігітрыя». Завершаны алтар гарэльефнай кампазіцыяй «Глорыя з анёламі». У касцёле берагуцца таксама пераносны алтар з абразамі «Маці Божая Замілаванне» і «Іосіф з дзіцем» (пачатак XVIII стагоддзя), «Святое Сямейства» (1730-я гады). Над уваходам размяшчаюцца хоры з арганам у стылі неаготыкі.

Пад касцёлам цягнецца крыпта на ўсю шырыню храма, дзе і пісаў пахаваць сябе фундатар «без усякіх цырымоній». На адной з калон касцёла быў замацаваны яго партрэт.

Набажэнствы ў касцёле не спыняліся нават у савецкі час.

Дата публікацыі: 16.01.2019.


Для зручнай навігацыі па славутасцях выкарыстайце БЯСПЛАТНУЮ мабільную праграму

Спампаваць Спампаваць