Найпрыгажэйшы сядзібны дом у стылі класіцызму з пейзажным паркам стаў сапраўдным упрыгажэннем невялікага гарадка.

Нараўлянскі сядзібна-паркавы ансамбль Горватаў – помнік палацава-паркавай архітэктуры класіцызму пабудаваны на правым высокім беразе ракі Прыпяць. Сядзіба Горватаў была закладзена ў другой палове XIX стагоддзя. Яна дасталася Ігнату Горвату ў спадчыннае валоданне ад абшарнікаў фон Гольстаў. Пасля смерці Ігната маёнтак перайшоў у спадчыну яго сынам, адзін з якіх вырашыў разбіць тут парк і ўзвесці палац. Сцены пакояў і залаў палаца былі вельмі шчыльна завешаны мноствам сямейных партрэтаў, карцінамі на ваенную тэматыку і краявідамі. Адзін з пакояў выкарыстоўваўся пад музей прыроды. Таксама на тэрыторыі сядзібнага комплексу былі пабудаваныя капліца, фантан, парадная стайня, аранжарэя, брама, дом ахоўніка, ружанец. Паблізу палаца, за каменнай сцяной размяшчаліся гаспадарчыя пабудовы, а таксама вытворчы комплекс з чырвонай цэглы ўзведзеныя ў формах несапраўднай готыкі і неараманскага стылю.

Дата публікацыі: 18.05.2017.

---

Для зручнай навігацыі па славутасцях выкарыстайце БЯСПЛАТНУЮ мабільную праграму