Музейны фонд налічвае больш за 14 тысяч экспанатаў, з іх 10 600 – з асноўнага фонду, 3 500 – з навукова-дапаможнага. Усяго фонды музея ўключаюць 28 калекцый. У музеі ёсць тры залы, у якіх прадстаўлены розныя калекцыйныя экспанаты. Многія прадметы даўніны расказваюць пра старажытныя часы Дзяржыншчыны, сучасныя моманты горада таксама прадстаўлены ў музеі.

Музей мае шэраг калекцый: нумізматыка, жывапіс, графіка, дакументы, скульптура, дэкаратыўна-прыкладное мастацтва, кнігі, археалогія, баністыка, зброя, ордэны і медалі, адзенне, прадметы этнаграфіі і побыту, фотадакументы, рэчавыя помнікі, іканапіс, філакартыя і іншыя.

Гісторыка-краязнаўчы музей прапануе наведванне стацыянарнай экспазіцыі “Дзяржыншчына – ад старажытнасці да сучаснасці”, якая ўключае ў сябе раздзелы: “Прырода роднага краю”, “Археалогія”, “Гісторыя старажытнасці і сярэдніх вякоў на тэрыторыі Дзяржыншчыны”, “Этнаграфія”, “Гісторыя роду Чапскіх”, “Дзяржаўная мяжа”, “Вялікая Айчынная вайна”, “Сучаснае развіццё Дзяржыншчыны”.

У музеі прысутнічаюць часовыя экспазіцыі рознай тэматыкі: жывапіс, графіка, дэкаратыўна-прыкладное мастацтва – а таксама выставы з прыватных калекцый. Таксама праводзяцца культурна-пазнавальныя і конкурсна-гульнявыя мерапрыемствы.

Дата публікацыі: 05.10.2023.

---

Для зручнай навігацыі па славутасцях выкарыстайце БЯСПЛАТНУЮ мабільную праграму