У 1962 годзе рашэннем Рагачоўскага раённага савета дэпутатаў у горадзе на грамадскіх пачатках быў створаны гісторыка-краязнаўчы музей.

У 1962 годзе рашэннем Рагачоўскага раённага савета дэпутатаў у горадзе на грамадскіх пачатках быў створаны гісторыка-краязнаўчы музей. Яго заснавальнікам і першым дырэктарам быў краязнаўца, адзін з арганізатараў партызанскага руху на Рагачоўшчыне — Сямён Мацвеевіч Свярдлоў.

У 1967 годзе па распараджэнні Савета Міністраў БССР на базе гісторыка-краязнаўчага музея ў горадзе быў адкрыты музей народнай славы, а з 3 кастрычніка таго ж года былі зацверджаны кадры і штатны расклад. З гэтага часу музей набыў статус дзяржаўнага.

У красавіку 1970 года рашэннем выканкама Рагачоўскага раённага Савета дэпутатаў была адкрыта першая экспазіцыя, якая складалася з дзвюх залаў: "Рэвалюцыйныя падзеі на Рагачоўшчыне" і "Вялікая Айчынная вайна і вызваленне горада і раёна" — якая займала плошчу 58 квадратных метраў, а цалкам плошча музея складала 82 квадратныя метры.

У лістападзе 1991 года музею народнай славы для размяшчэння новай экспазіцыі быў выдзелены будынак былога банка, які патрабаваў рамонту і рэканструкцыі. Рамонтныя работы былі скончаны ў 1995 годзе. З 1996 па чэрвень 2000 вяліся мастацка-афарміцельскія работы па стварэнні новай экспазіцыі і залаў музея. Урачыстае адкрыццё музея адбылося 2 ліпеня 2000 года.

У 2019 годзе асноўны фонд Рагачоўскага музея народнай славы складаў 28943 музейныя прадметы, а навукова-дапаможны фонд — 16635 музейных прадметаў. Усе прадметы асноўнага фонду музея падзелены на 40 калекцый. Самыя буйныя калекцыі: "Археалогія", "Асабістыя дакументы", "Нумізматыка", "Фалерыстыка", "Друкаваныя выданні", "Фатаграфіі". Вялікую каштоўнасць уяўляюць калекцыі ікон і старажытных выданняў, а таксама скарбаў манет і зброі. Унікальная калекцыя, якая прадстаўляе работы расійскіх і беларускіх мастакоў. Асобна прадстаўлена калекцыя рагачоўскіх мастакоў, асабліва каштоўнымі з'яўляюцца работы Анатоля Каплана.

Дата публікацыі: 18.02.2023.

---

Для зручнай навігацыі па славутасцях выкарыстайце БЯСПЛАТНУЮ мабільную праграму