Касцёл Святой Ганны ці касцёл Божай апекі – адзін з найстарэйшых драўляных храмаў Койданава

Касцёл Святой Ганны быў пабудаваны ў 1785 годзе. У яго архітэктуры спалучаюцца рысы барока і класіцызму. Першы ж успамін пра пабудову каталіцкага храма на гэтым месцы адносіцца да 1453 года. Касцёл Святой Ганны – выдатны помнік драўлянага дойлідства. Ён уяўляе сабой трохнефавую двухвежавую базіліку на высокім мураваным цокалі. Галоўны фасад вырашаны шырокай вертыкальна ашаляванай плоскасцю.

Касцёл Святой Ганны функцыянаваў да 1945 года. Пасля Другой сусветнай вайны ў сувязі з антырэлігійнай палітыкай савецкай улады касцёл быў закрыты. Ягоны будынак пераабсталявалі ў раённы Дом культуры, крыху пазней тут знаходзілася музычная школа. Будынак былога касцёла быў вернуты вернікам у 1991 годзе. У 1994 годзе касцёл Святой Ганны быў адрэстаўраваны і адчыніў свае дзверы для ўсіх ахвотных узяць удзел у набажэнстве.

Дата публікацыі: 25.02.2021.

---

Для зручнай навігацыі па славутасцях выкарыстайце БЯСПЛАТНУЮ мабільную праграму