Парк Перамогі – гэта найбуйнейшы парк Мінска. Ён абмежаваны праспектамі Пераможцаў і Машэрава, вуліцамі Арлоўскай і Старавіленскім трактам. Плошча парку складае каля 200 гектараў.

Парк Перамогі – гэта самы вялікі парк у Мінску. Парк павінен быў адкрыцца 22 чэрвеня 1941 года, але ў той дзень пачалася вайна.

Парк быў адкрыты толькі пасля вайны. Да саракагоддзя перамогі над нацысцкай Германіяй у 1985 годзе каля ўваходу ў парк з'явіўся абеліск "Мінск – горад-герой".

У 2005 годзе было прынята рашэнне пра глабальную рэстаўрацыю парку. У 2011 годзе пасля завяршэння ўсіх будаўнічых прац парк Перамогі ў Мінску быў зноў адкрыты для наведвальнікаў. Яго плошча павялічылася са 100 да 200 гектараў, 40 з якіх – гэта возера. У парку ёсць пешаходныя дарожкі і гульнявыя пляцоўкі. Падчас рэканструкцыі былі ўсталяваныя тры фантаны – "Вечнасць", "Перамога" і "Ветразь".

Самым цікавым месцам у парку з’яўляецца востраў Птушак. Ён з’яўляецца домам для вялікай колькасці розных відаў птушак. Усе сцежкі, лесвіцы і лаўкі на востраве зроблены з дрэва. Гэта спроба захаваць сапраўдную маленькую экасістэму.

Парк Перамогі застаецца адным з самых папулярных месцаў адпачынку ў Мінску. Тут была збудавана сцэна для правядзення розных мерапрыемстваў, створаны пешаходныя зоны, абсталяваны спартыўныя зоны для актыўнага адпачынку.

Дата публікацыі: 03.02.2020.

---

Для зручнай навігацыі па славутасцях выкарыстайце БЯСПЛАТНУЮ мабільную праграму