Горкі. Батанічны сад і дэндрарый акадэміі

Кароткі тэкст:

Менавіта ў горыцкім батанічным садзе можна знайсці рэшткі старых рэдутаў і так званай “Пятровай горкі”.

Асноўны тэкст:

На тэрыторыі акадэміі захаваўся ўнікальны прыродны комплекс – батанічны сад з унікальным дэндрарыям 19 стагоддзя. Ён доўгі час ствараецца і падтрымліваецца высілкамі студэнтаў і выкладчыкаў. Сярод усяго гэтага хараства знаходзяцца дзве рукатворныя сажалкі: Верхняя і Ніжняя.
Блукаючы па мностве дарожак, можна дайсці да рэшткаў старых рэдутаў і гэтак званай “Пятровай горкі” – ў час Паўночнай вайны ў 1709 годзе на гэтым месцы размяшчаўся намёт Пятра I. Старыя рэдуты – гэта земляныя валы для ўстаноўкі гармат. Гэтыя фартыфікацыйныя збудаванні ў першыню былі выкарыстаны расійскімі войскамі менавіта у Горках. Беларуская зямля была выкарыстана як плацдарм для вядзення баявых дзеянняў двух замежных армій – шведскай і 25-тысячнага войска Пятра I. Гэта супрацьстаянне сімвалізуе тое, што насупраць “Пятровай горкі” стаіць “Горка Мазепы”.
У парку таксама знаходзяцца магілы ўдзельнікаў нацыянальна-вызваленчага паўстання 1863–1864 гадоў.

Каб праслухаць аўдыёпаведамленне, выкарыстайце БЯСПЛАТНУЮ мабільную праграму

Спампаваць