Мазыр. Мазырскі замак

Кароткі тэкст:

Мазырскі замак – драўлянае абарончае і адміністрацыйнае збудаванне XV стагоддзя ў Мазыры.

Асноўны тэкст:

За сценамі і абарончымі вежамі схаваліся палац, жылыя і гаспадарчыя будынкі, царква, а таксама глыбокі калодзеж – на выпадак доўгай аблогі ворага. З трох бакоў падножжа замкавай гары абаранялі воды знакамітай ракі Прыпяць. Не аднойчы Мазырскі замак вытрымліваў напады, але ў сярэдзіне XVІІ стагоддзя быў разбураны падчас вызвалення горада войскамі гетмана Януша Радзівіла ад казакоў Багдана Хмяльніцкага. У 2005 годзе да 850-годдзя горада Мазыра Мазырскі замак быў часткова адноўлены. Зараз гістарычны цэнтр «Мазырскі замак» уяўляе сабой унікальны музей, паменшаную копію таго, што ўяўляў сабой замак у часы Вялікага Княства Літоўскага. На тэрыторыі замка захаваўся падмурак царквы пачатку XV ст., на якім і была адноўлена драўляная царква. Падчас гарадскіх святаў тут праходзяць забаўляльныя мерапрыемствы. Праводзяцца выступы рыцарскіх клубаў, якія займаюцца гістарычнай рэканструкцыяй.

Каб праслухаць аўдыёпаведамленне, выкарыстайце БЯСПЛАТНУЮ мабільную праграму

Спампаваць